બનાસકાંઠા જિલ્લા ચેસ એસોસિયેશન દ્વારા ભવ્ય ચેસ ટુર્નામેન્ટનું આયોજન કરવામાં આવ્યું.

કુલ 276 સ્પર્ધકોનો ઉત્સાહભેર સહભાગ અને પ્રમુખ શ્રી વિનેશકુમાર પરમારની આગેવાની હેઠળ વિજેતાઓને ટ્રોફી, પ્રમાણપત્ર, મેડલ અને રોકડ ઇનામો આપવામાં આવ્યા.

બનાસકાંઠા જિલ્લા ચેસ એસોસિયેશન દ્વારા તા. 24 ઓગસ્ટ, 2025 ના રોજ ભવ્ય ચેસ ટુર્નામેન્ટનું આયોજન કરવામાં આવ્યું હતું. એસોસિયેશનના પ્રમુખ શ્રી વિનેશકુમાર પરમાર તથા આગેવાનોની હાજરીમાં આ ટુર્નામેન્ટનું ઉદ્ઘાટન થયું હતું.

આ ટુર્નામેન્ટમાં કુલ 276 જેટલા સ્પર્ધકોએ ઉત્સાહભેર ભાગ લીધો હતો. જિલ્લામાંથી તેમજ પડોશી જિલ્લાઓમાંથી વિવિધ વય જૂથના ખેલાડીઓએ પોતાના કુશળતાનો પરિચય આપ્યો. રમત દરમિયાન ખેલાડીઓની એકાગ્રતા, શિસ્ત અને જીત માટેનો ઉત્સાહ પ્રશંસનીય રહ્યો.

સ્પર્ધા જુનિયર, સિનિયર તથા ઓપન કેટેગરીમાં યોજાઈ હતી. શ્રેષ્ઠ પ્રદર્શન કરનાર ખેલાડીઓને ટ્રોફી, પ્રમાણપત્ર, મેડલ તથા રોકડ ઇનામો આપીને સન્માનિત કરવામાં આવ્યા.

આ પ્રસંગે પ્રમુખશ્રી વિનેશકુમાર પરમારએ જણાવ્યું હતું કે, “ચેસ જેવી બુદ્ધિપ્રધાન રમત યુવાઓમાં વિચારશક્તિ, શિસ્ત અને એકાગ્રતા વિકસાવવામાં મદદરૂપ છે. આવનારા સમયમાં એસોસિયેશન વધુ મોટી સ્પર્ધાઓ તથા તાલીમ શિબિરોનું આયોજન કરશે જેથી જિલ્લાની પ્રતિભાઓ રાજ્ય તથા રાષ્ટ્રીય સ્તરે પોતાની ઓળખ બનાવી શકે.”

સમાપન સમારંભે સમગ્ર હોલ તાળીઓના ગડગડાટથી ગુંજી ઉઠ્યો હતો. ખેલાડીઓની હિંમત વધારવામાં આવી અને સમગ્ર આયોજન બનાસકાંઠા જિલ્લાના રમત ઇતિહાસમાં એક યાદગાર પળ બની રહ્યો.